विप्लव पुचःया वार्ताया प्रस्ताव मवःनि : गृहमन्त्री थापा
लहना न्यूज | ने.सं. ११३९ दिल्लागा षष्ठि (२३ जुलाइ, २०१९), मंगलवाः
गृहमन्त्री रामबहादुर थापां विप्लव पुचलं आःतक छुं नं औपचारिक वार्ताया नितिं प्रस्ताव मवःनिगु धयादीगु दु ।
गृहमन्त्रालयया आर्थिक वर्ष २०७५/०७६या वार्षिक कार्यसम्पादन प्रगति व भावी कार्यदिशा सम्बन्धय् ग्वसाः ग्वःगु पत्रकार सम्मेलनय् न्ववानादिसें गृहमन्त्री थापां उगु खँ धयादीगु खः । वय्कलं थःपिन्सं वार्ताय् वयेगु नितिं आह्वान यायेधुनागु खँ धयादिल ।
विप्लव पुचःयात राजनीतिक मूलधारय् हयेगु कुतः न्ह्यानाच्वंगु तर उपिं वार्ताया नितिं निष्कर्षय् मथ्यंनीगु नं थापां धयादिल । राजनीतिक स्थायित्व व लोकतन्त्रया रक्षाया नितिं विप्लव पुचः हाथ्याः जुयाच्वंगु गृहमन्त्री थापाया धापू खः ।
\\नेपालय् न्हापा स्वयां आः सुरक्षा व्यवस्था सुदृढ व सुरक्षित जूगु नं थापां दावी यानादिल । तर थुलि हे सन्तुष्ट मदुगु नं वय्कःया धापू खः । फागुण ३० गतेनिसें सरकारं विप्लव पुचःया ज्याखँयात प्रतिवन्ध तयेधुंकाः आःतक विप्लव पुचःया ६सः म्ह कार्यकर्ता ज्वनेधुंकूगु नं थापां जानकारी बियादिल ।
Categorized in राजनीति
