विप्लव समूहया मुँज्यायाना च्वंथाय् २१ नेता ज्वन
लहनान्युज | कौलागा चौथी ११३९ (अक्टुवर १७ २०१९)
नेपाल प्रहरीं प्रतिबन्धित विप्लव समूह वःगु चान्ह्यः ब्युरोया मुँज्याय् विप्लवया दाजु चन्द्रबहादुर चन्द ‘बीरजंग’ नाप २१ म्हसित ज्वःगु दु ।
५ नं. प्रदेश प्रहरी कार्यालय, तुल्सीपुर व जिल्ला प्रहरी कार्यालय, दाङया टोलीं विशेष सुराकीया आधारय् मुँज्या जुया च्वं थाय् अथे ज्वःगु खः । ज्वपिं अप्वो याना राप्ती ब्युरोया नेतापिं खः ।
प्रहरीया निरन्तरको निगरानीलिपा वःगु चान्ह्यः भारतया सीमा नाप घना जंगल दुने ज्ञानेन्द्र ओलीया छेँय् १ बजे अथे ज्वःगु खः ।
ज्वपिंपाखे महत्वपूर्ण दस्तावेज, चन्दा फ्वलनेगु विवरण, ३२ गः मोबाइल, विष्फोटक पदार्थलगायतया सामग्री बरामद याउगु खः ।
