विशेष रणनीति निर्माण याना ज्या यायेत सरकारयात सुझाव
नेपाली कांग्रेसया सभापति शेरबहादुर देउवां कोरोना भाइरस (कोभिड(१९)या सामना व नियन्त्रण यायेगु लागि विशेष रणनीति निर्माण यायेत सरकारयात सुझाव बिःगु दु ।
 
सरकारं १२० दि तक लकडाउनया अन्त्य जूगु घोषणा लिपा सभापित देउवां बिहीवाः प्रधानमन्त्री केपी शर्मा ओलीयात नाप लाना कोरोना संक्रमण अप्वया च्वंगुलि न्हुगु रणनीति दयेका ज्या यायेगु सुझाव बिःगु दु ।
 
सभापति देउवां पीसीआर विधिपाखे कोरोना परीक्षण यायेत इनाप यासे आः क्वारेन्टिन मापदण्ड कथं दयेकेगु लागि सरकार ध्यान मबिगुलि आपत्ति तक याना दिगु खः ।
 
विदेशय् अप्ठेरा जूया च्वपि नेपाली नागरिकपिनिगु उद्धार यायेगु लागि न सभापति देउवां इनाप यानादिगु खः ।
 
कोरोनाया मारय् लाना च्वंगु थीथी थासयु असन्तुष्टि व आन्दोलनयाना वयाच्वपिनिगु माग यता गम्भीरतापूर्वक कायेत सभापति देउवां प्रधानमन्त्रीयात ध्यानाकर्षण यानादिगु दु ।
 
Categorized in राजनीति