विश्वकप क्रिकेटया कासा धलः सार्वजनिक
गुंलाथ्व दशमी ११४१, भाद्र १ मंगलवाः
अन्तराष्ट्रिय क्रिकेट परिषद् (आइसिसी)ं वइगु अक्टोबर १७ निसें नोभेम्बर १४ तक्क यूएई व ओमानय् जुइगु टि–२० विश्वकपया कासाः धलः सार्वजनिक याःगु दु ।
टि–२० विश्वकपया उद्घाटन कासाय् ओमान व पपुवा न्युगिनी म्हितिइ । न्हापांगु चरणय् समूह बीया दक्वः कासा ओमानय् जुइ । न्हापांगु चरणया समूह ए, सूपर १२, सेमिफाइनल व फाइनल कासा यूएई जुइ ।
सुपर १२ का कासा त २३ अक्टोबरनिसें दुबई, आबूधाबी व शारजाहय् न्ह्याइ । न्हापांगु चरणया समूह ए श्रीलंका, आयरल्यान्ड, नेदरल्यान्ड्स व नामिबिया लाःगु दु । समूह बीलय् बंगलादेश, स्कटल्यान्ड, ओमान व पपुवा न्युगिनी लाःगु दु ।
दक्व पुचःलय् शीर्ष निगू टोलीं सुपर १२य् थाय् दयेकिइ । सुपर १२ या गु्रपय् इंग्ल्यान्ड, अष्ट्रेलिया, दक्षिण अफ्रिका, वेस्टइन्डिजलिसें समूह ए या त्याकुमि व समूह बीया ल्यूत्याकुमि नं थ्वय् समूहलय् लाइगु जूगु दु ।
समूह बीस भारत, पाकिस्तान, न्युजिल्यान्ड, अफगानिस्तान, समूह बीया त्याकुमि व समूह ए या ल्यूत्याकुमि थ्वेह पुचलय् लाई । सुपर १२ या न्हापांगु कासाय् समूह ए या अष्ट्रेलिया व दक्षिण अफ्रिका दथुई धेँधेँबल्ला जुई ।
समूह चरणया लिपांगु कासा समूह बी या भारत व न्हापांगु चरणपाखें वइगु समूह ए या उप विजेता दथुई जुइ । अक्टोबर २४य् भारत व पाकिस्तान न्हापांगु कासाय् हे धेँेधेँबल्ला जुइगु जूगु दु ।
सेमिफाइन कासा नोभेम्बर १०य् जुइ धाःसा फाइनल कासा १४ नोभेम्बरय् जुई ।
Categorized in कासा
