विश्वकप क्रिकेट ल्यज्या कासा थौंनिसें
लहनान्यूज सम्वाददाता | कौलाथ्व अष्टमि ११३६ (अक्टोबर ९ २०१६)
आइसीसी मिसा विश्वकप क्रिकेटया ल्यज्या कासाया झ्वलय् आः नेपालं ग्वसाः खलः देय् हङकङलिसे म्हिताच्वंगु दु ।
टस त्याकाः ब्याटिङ यायेगु ल्यःगु नेपाली पुचःया १२ः१५ तक्कया दुने ३ विकेट वनेधुंकूगु दुसा १०.३ ओभर दुने ३९ रन जूगु दु । वंगु निदँ न्ह्यःनिसें छुं हे अन्तर्राष्ट्रिय कासा मम्हितूगु नेपाली मिसा टोलिया लागिं थुगु कासा त्याके अःपुइगु धाःसा खनेमदु ।
थ्वयां न्ह्यः थाइलायन्ड व चीन दथुइया कासा थाइलाय्न्डं ७५ रनं त्याकूगु दु । थाइलाय्न्डं ६ विकेट छ्वयाः १०७ रन दयेकूगु खःसा चीनं ३२ रन जक दयेकेफत ।
एशियाली लागाया ल्यज्या कासाय् नेपालं हङकङलिसें थाइलाय्न्ड व चीनलिसे नं कासा म्हितेमानि । पुचलय् प्रत्येक टोलिं थःथवय् दथुइ कासा म्हितेमाः ।
पुचलं न्हाप लाइगु टोलिं सन् २०१७य् जुइगु मिसा विश्वकपया लिपांगु ल्यज्या कासाय् ब्वति कायेखनी ।
Categorized in कासा
