२०८० चैत्र १६, शुक्रबार

विश्वकप छनोट कासाय् थौं नेपाः व ताइपेइ म्हितिइगु

कछलागा अष्टमी ११४१, जेठ २० विहीबाः

विश्वकप व एसिया कप फुटबलया ल्यज्या कासा थौं नेपाः चाईनिज ताइपेइ दथुई जुइत्यंगु दु । थ्वः कासा नेपाली ईकथं बहनि १०ताः ईलय् कुवेतया राजधानी कुवेत सिटीइ जुई । चाईनिज ताईपेईविरुद्धया हेड टु हेडय् नेपाः बल्लागु टिम खनेदु । निगू देय् दथुई आःतक जूगु धेँधेँबल्लाखय् छगू कासाः नेपालं त्याकूगु दु धाःसा मेगु कासा ज्वलिंज्व जूगु दु । न्ह्यानाच्वंगु विश्वकप छनौटया न्हापांगु लेगया कासाय् नेपालं चाइनिज ताइपेइयात उमिगू हे मैदानय् २०नां बूकूगु खः । नेपाः थौं उगु हे लय् लिसःकाय्गु ताकये दु । नेपालं मेगु दँय जूइगु विश्वकप फुटबल छनोटया स्वंगूगु वःलय् थ्यनिगु ह्वताः त्वफिकेधुंकूगु दु । तर नेपालयात ल्यंदनिगु कासा त्याका सन् २०२३य् जुइगु एसिया कप छनोटया स्वंगूगु वलय् थाय् दयेकेगु ह्वःता दु । चाइनिज ताइपेइ लिपाः नेपालं अष्ट्रेलिया व जोर्डनलिसे निगू कासाः म्हिते ल्यं दनि । पुचः “बी” नेपाल ३गू ल्याःलिसें प्यंगु थासय् दु धाःसा ल्याःविहिन चाइनिज तापइपेइ लिपांगु थासय् लानाच्वंगु दु । प्यंगु कासां १२गू ल्या तंगु अष्ट्रेलिया न्हापांगु थासय् दु । ५गू कासां ज्वलिंज्वल १०गू ल्या दयेकूगु कुवेत व जोर्डन गोल अन्तरया लिधंसाय क्रमशः निगूगु व स्वंगूगु थासय् दु ।
Categorized in कासा