विश्वकप लिसें एसिया कप छनोट फुटबलया लिपांगु कासा नेपालं थौं अष्ट्रेलियालिसे म्हितिगु जुगु दु । कुवेतया राजधानी कुवेट सिटी पुचः बी’या दकले बल्लागु टिम अष्ट्रेलियाविरुद्धया कासा नेपाःया लागि तकसं थाकुइगु जूगु दु । विश्वकप फुटबलया अनुभव कायेधुंकूगु अष्ट्रेलिया एसियाली पुचलय् म्हितुनिसें थ्व टिम बल्लागु टोली जुयाच्वंगु दु । पुचः बी’या छगू जक अपराजित पुचः अष्ट्रेलियां न्हापांगु कासाय् नेपाःयात घरेलु मैदानय् ५० बुकूगु खः । न्याक्वतक्क विश्वकप म्हितेधुंकूगु अष्ट्रेलिया व न्हापांखुसी निगूगु वःयाया छनोटय् थ्यंगु नेपाल दथुया कासा थौं ९ः४५ ताः ईलय् न्ह्याइ । पुचलय् खुगु कासां १८गू ल्यालिसें अष्ट्रेलिया न्हापांगु थासय् दु धाःसा नेपाः ६गू ल्यालिसें प्यंगूगु थासय् लानाच्वंगु दु । न्यागू टिमया ब्वति दूगु पुचलय् नेपालं लिपांगु थासय् लानाच्वंगु चाइनिज ताइपेईयात निगू कासां बुकूगु दु धाःसा जोर्डन व कुवेतलिसे बुइमाःगु खः । Categorized in कासा