अन्तर्राष्ट्रिय क्रिकेट परिषद् (आइसीसी) विश्वकप क्रिकेट कासा म्हितिपिं टोलीया ल्याः अप्वेकूगु दु।

आइसीसीं छगू दिवसीय विश्वकपय् १४गू व टीट्वान्टी विश्वकयय् २०गू टिम समावेश यायेगु आधिकारिक निणर्य याःगु दु । आइसीसीया न्हूगु योजना कथं सन् २०२७ व ३१ या छगू दिवसीय विश्वकपय् १४गू टिम दुथ्याइगु जूगु दु

गुकिइ ५४गू कासा त म्हितिइ । अथेहे २०२४ निसें २०३० तक्क जुइगु प्यंगूगु संस्करणया टिट्वान्टी विश्वकय् २०गू टिमं ब्वति कायेफइ । आइसीसीया थ्वः निणर्यं नेपाल थें जाःगु देय्तयेत यक्वः हे फाइदा जुइ।

सन् २००७ या छगू दिवसिय विश्वकप क्रिकेटय् १६गू टिमं ब्वति काःगु खः । २०११ व २०१५ य् १४गू टिमया ब्वति दूगु खः धाःसा २०१९ य् जूगु लिपांगु विश्वकपय् १० टिम जक म्हितुगु खः।

आइसीसी आवलिं मिसापिनिगु टिट्वान्टी विश्वकपय् १०गू टिम व छगू दिवसिय विश्वकपय् ८गू टिमयात ब्वति काइगु जूगु दु ।

Categorized in कासा