२०८० चैत्र १६, शुक्रबार

विश्वकप टी—२० क्रिकेटया निगूगु सेमिफाइनलय् अष्ट्रेलियां पाकिस्तानयात बुकाबिल

कछलाथ्व अष्टमी ११४२, कात्तिक २६ शुक्रबाः

अष्ट्रेलिया टी—२० विश्वकप क्रिकेटया फाइनलय् थ्यंगु दु  म्हिगः जूगु निगूगु सेमिफाइनल कासाय् पाकिस्तानयात ५गू विकेटं बुका अष्ट्रेलिया फाइनलय् थ्यंगु खः ।

टस बुना ब्याटिङ याःगु पाकिस्तानं क्वछिनातःगु २०गू ओभरय् ४गू विकेट छ्वया सच्छि व ७६गू रनया योगफल दयेकूगु खः । लिसलय् अष्ट्रेलियां १९गु ओभरये ५गू विकेट छ्वया आज्जु पूवंकूगु खः ।

अष्ट्रेलियाया नितिं डेभिड वार्नरं ३०गू बलय् ३गू चौका व ३गू छक्कलिसें दकले अप्वः ४९गू रन दयेकेत ताःलात । अथेहे मार्कुस स्टोइनिस व म्याथ्यु वेडं अविजित ४० व ४१गू रनया शानदार इनिङ म्हितुसें पुचःयात जितपाखे न्ह्याकूगु खः ।

थुखे पाकिस्तानया नितिं सादव खानं ४गू व शाहीन शाह अफ्रिदी १ विकेट काल । अथेहे मोहम्मद रिजवानं ५२गू बलय् ३गू चौका व ४गू छक्कलिसें ६७गू रनया अर्धसतक इनिङ म्हितुगु खः ।

अथेहे फरक जमानं ३२गू बलय् ३गू चौका व ४गू छक्कालिसें ५५ बलया अविजित अर्धशतकीय इनिङ म्हितुबलय् कप्तान बाबर आजमं ३९गू रनया योगदान बिल ।

अष्ट्रलिया लागि मिचेल स्टार्कं २गू लिसें प्याट कमिन्स व एडम जाम्पां १÷१गू विकेट काल । जितलिसें फाइनलय् थ्यंगु अष्ट्रलियां आइतबाः फाइनलय् न्युजिल्याण्डलिसें उपाधिया नितिं म्हितिइ ।

Categorized in कासा