मदिक्क वा वगुलिं सप्तकोशीइ लःया बहाब तसकं थाहां वंगु दु । १गू लख ५०द्वः क्यूसक लःया मापनलिपा खतरकाकथं काइगु थौं सञ्चरवाः न्हिनसिया २ताः इलय् याःगु मापनकथं २गू लख ७४द्वः ६५गू क्यूसेक लःया बहाव दुगु कोसी ब्यारेजय् च्वनादीम्ह प्रहरी सहायक निरीक्षक ईश्वरी दाहालं जानकारी बियादीगु दु ।

 

आः ५६गू लुखा मध्ये ३६गू लुखा चायेकूगु दु । भारतया विहार जलमग्न जुइवं भारतं लुखा बन्द यायेत दबाब बियाच्वंगु सशस्त्र प्रहरी निरीक्षक सुरेन्द्र भण्डारीं धयादीगु दु ।

 

मदिक्क वा वयाच्वंगुलिं सप्तकोसीइ लःया बहाब अझ अप्वया वनेफूगु न्ह्यथसें प्रशासनं कासी खुसिया तटीय क्षेत्रय् च्वंपिन्त सतर्क अवस्थाय् च्वनेत तकं अपील याःगु दु ।

 

थ्व हे दथुइ थौं प्रदेश नं. १या आन्तरिक मामिला तथा कानून मन्त्री हिक्मत कार्कीं कोशी ब्यारेज व सुनसरीया खुसिवालं लिच्वः लाकूगु लागाया अवलोकन यानादीगु दु ।