वीरगञ्जय् कोरोना संक्रमण पुष्टि जुम्ह मन्त
लहनान्युज | गुंलागा ३ ११४०,साउन २२ बिहीवाः
वीरगञ्जया अस्थायी कोरोना विशेष अस्पतालय् सीम्ह छम्ह मिजंम्ह कोरोना संक्रमण पुष्टि जुगु दु ।
सुथय् मदुम्ह वीरगञ्ज–१० आदर्शनगरया ५६ दँ दुम्ह मिजंम्ह कोरोना संक्रमण पुष्टि जुगु खः । थ्व नाप पर्सामा कोरोना संक्रमणपाखे सीपि १५म्ह थ्यःगु दु ।
चिनी ल्वय् व मुटु ल्वय् दुम्ह उम्ह मनू सासः ल्हायेगु समस्या वय साउन २२ गते नारायणी अस्पताल अन्तर्गतया कोरोना विशेष अस्पताल गण्डकय् भर्ना याःगु खः ।
अवस्था गम्भीर जुगुलि वयात चान्ह्य १० बजे भेन्टिलेटरय् तया वासः याःगु खः ।
वासः याकेगु झ्वलय् थौं बिहीवाः सुथय् मदुगु खः । पीसीआर परीक्षण रिपोर्ट पोजेटिभ वःगु धका गण्डक कोभिड अस्पालया संयोजक धाःगु खः ।
