वीरगञ्जय् ४१ म्ह व पसाय् ३२म्ह संक्रमित थपे जुल
लहनान्युज | ञंलाथ्व १३ ११४०,भाद्र १५ सोमवाः
वीरगञ्जय् याःगु परीक्षणय् ४१ म्हेसित कोरोना संक्रमण पुष्टि जूगु दु । नारायणी अस्पतालय् पीसीआर प्रयोगशाला याःगु परीक्षणय् खुदँ निसे ७० दँया पिन्त संक्रमण खने दुगु खः । उकि मध्ये संक्रमितपि च्याम्ह मिसापि खः ।
जिल्ला प्रशासन कार्यालय पर्सां म्हिगः आइतवाः बहनि याःगु सार्वजनिक रिपोर्टय् आःतक ४८२ म्ह मिसा नाप २ हजार १६० म्हेसित कोरोना संक्रमण खने दुगु दु । उकि मध्ये ६८४ म्ह कोरोनामुक्त जुया छेँ लिहा वने धुकुगु दु । अथेहे ३६म्ह कोरोना संक्रमण मदेय् धुकुगु दु ।
२७ म्ह मिसापि नाप ९८ म्ह आइसोलेसनय् व २१८ म्ह मिसापि नाप ९८४ म्ह होम आइसोलेसनय् च्वनाच्वंगु दु । कोभिड अस्पतालय् आइसियुूलय् च्वना १९ म्हेसिया वासः याका वयाच्वंगु दु ।
Categorized in राष्ट्रिय
