बेलायती प्रधानमन्त्री बोरिस जोन्सनं स्वक्वःखुसी ईहिपा यानादिगु दु ।

छगू चीधंगु छेँजपिनिगु जमघटय् वय्कलं थः प्रेमिका क्यारी साइमण्डलिसे इहिपा याःगु डेलीमेल यूकें न्ह्यथंगु दु । सन् २०१९ निसें स्वापुतिइ दुम्ह ५६दँया प्रधानमन्त्री जोन्सनं ३३दँया साइमण्डलिसे छगू क्याथलिक चर्च वना ईहिपा यानादिगु खः ।

बेलायतया निसः दँया इतिहासय् हे प्रधानमन्त्रीया पदवहाली जुयाच्वंगु ईलय् ईहिपा यानादिगू थ्वः न्हापांखुसी जूगु टेलिग्राफं न्ह्यथंगु दु । कोरोना भाइरसया नियमया हुनिं ईहिपालय् मुक्कं ३०म्ह जक अतिथिपिनिगु ब्वति दूगु खः ।

जोन्सनं सन् २०१८य् थः तिरिमय्जु मरिना ह्विललिसें २५दँया स्वापू पारपाचुके याःगु छुं ई धुंका हे प्रेमिकालिसें नजिक जुयादिगु खः । न्हापांगु ईहिपा २३दँया ईलय् एलेग्ग्रा मोस्टनलिसे १९८७य् यानादिम्ह जोन्सनया मरिनापाखें प्यम्ह मस्त दू ।

जोन्सन मचाबलय् निसें हे पासा ह्विललिसें मतिना जुसंलि सन् इहिपा यानादिगु खः । उमिगु १९९३ उगु सम्बन्ध पारपाचुके जूगु खः । जोनसनया पुलाँम्ह पोल डान्सर जेनिफर अर्कुरीलिसे नं मतिना दूगु डेलीमेल यूकें न्ह्यथंगु दु ।

Categorized in अन्तर्राष्ट्रिय