२०८१ फाल्गुण ६, मंगलबार

व्यवसायीतय्सं त्यासा पुलेमफुसा हाकुगु धलखय् तये मदइगु

लहानान्युज | थिंलाथ्व तृतीया ११४१, पुस २ बिहीवाः

कोरोना प्रभावित व्यवसायीतय्सं त्यासा पुलेमफुसा बैंक लिसें वित्तीय संस्थातय्सं वइगु असार मसान्ततक्क हाकुगु धलखय् तये मदइगु जूगु दु ।
 
नेपाल राष्ट्र बैंकं बैंक व वित्तीय संस्थातय्त परिपत्र जारी यासें कोरोनाया हुनिं समस्याय् लाःपिं उद्योगी व्यवसायीतय्त बैंकया त्यासा पुलेत सहुलियत बियागु न्ह्यथंगु दु ।
 
केन्द्रीय बैंकं न्ह्यानाच्वंगु आर्थिक दँया मौद्रिक नीतिया न्हापांगु त्रैमासिक समीक्षा यासें न्हूगु व्यवस्था कथं एकीकृत निर्देशिका जारी यानाः न्हूगु व्यवस्था लागू यायेत बैंक लिसें वित्तीय संस्थातयेत निर्देशन ब्यूगु खः ।
 
मौद्रिक नीतिया न्हूगु व्यवस्था कथं कोरोना प्रभावित ऋणीपिनि हकय् ६ ला स्वयां म्ह्वः ईया ब्याज ध्यबाया बक्यौता दूगु अवस्थाय् हाकुगु धलखय् दुथ्याकेगु ई सीमा अप्वयेकूगु खः ।
Categorized in राष्ट्रिय