व्यवस्थितकथं छेँय् लिहांवयेगु व्यवस्था यायेत सर्बोच्चया अन्तरिम आदेश
लहना न्यूज | ने.सं. ११४० चौलागा नवमि (१६ अप्रिल २०२०), विहिवाः
सर्बोच्च अदालतं सीमावर्ती क्षेत्रपाखें नेपाः लिहां वयेत स्वयाच्वंपिं प्रवासी नेपाःमिपिन्त क्वारेन्टाइनया शर्तलिसें व्यवस्थितकथं छेँय् लिहांवयेगु व्यवस्था यायेत सरकारया नामय् अन्तरिम आदेश जारी याःगु दु ।
न्यायाधीश सपना मल्ल प्रधानया एकल इजलासं उमित लित हयेत व उद्दारया नितिं माःकथंया गृहकार्य यायेत नं आदेश ब्यूगु दु ।
अधिबक्ता सोमप्रसाद लुईटेलया निवेदनया सुनुवाई लिपा जारी याःगु आदेशय् न्ह्यथनातःगु दु, ‘नागरिकया व्यक्तिगत अधिकार व बहुसंख्यक जनताया जीवन, स्वास्थ्य व सुरक्षाया हीतयात तकं सन्तुलित तरीकां विना भेदभाव, विना स्वेच्छाचारी व विवेकपूर्ण तरीकां नियमन व नियन्त्रणया शर्त बन्देजलिसें लित हयेगु, उद्दारया नितिं माःगु प्रशासनिक, आर्थिक व्यवस्थापकीय पहल यायेत अन्तरिम आदेश जारी याःगु दु ।’
Categorized in राष्ट्रिय
