२०८० फाल्गुण १२, शनिबार

व्रिटेनी संसदपिने आतंककारी हमला

लहनान्यूज | चिल्लागा नवमी ११३७ (मार्च २२ २०१७)

लन्डनया व्रिटेनी संसदया पिने जूगु ‘आतंककारी’ घटनाय् प्यम्ह सीगु दु ।
 
घटनाय् छम्ह आक्रमणकारीलिसें छम्ह प्रहरी नं सीगु स्थानीय प्रहरीं धाःगु दु । घटनाय् २०म्ह घाःपाः जूगु दु ।
 
व्रिदिश प्रहरीया कथं सेन्ट्रल लंदनय् छगः कारं वेस्ट मिन्स्टर ब्रिजय् न्यासिवनाच्वंपिं मनूतयत ठक्कर नकाब्युगुलिइ छम्ह मिसा सीगु खः । उगु ठक्करं घाःपाः जूपिं १२म्हेसित वासः यायेत अस्पताल यंकूगु दु ।
 
अथे हे संसदय् छम्ह प्रहरी अधिकारीयात चक्कुं सुयाब्यूगु दु । उम्ह आक्रमणकारीयात पुलिसं गोलिं कयेकाब्यूगु खः ।
 
ट्रान्सपोर्ट फर लंदनया कथं प्रहरीया उजं धुंकाः वेस्टमिन्स्टर अंडरग्राउंड स्टेशन बन्द यानाः उगु लँ जुयाः न्ह्याइगु सवारी ज्वलंया लँ हिलाब्यूगु दु ।
Categorized in अन्तर्राष्ट्रिय