२०७८ मङ्सिर २१, मंगलबार

शहिद स्मारक ‘ए’ डिभिजन लिग फुटबल थांै निसें न्ह्याइगु

कछलाथ्व पुन्हि ११४२, मंसीर ३ शुक्रवाः

सहिद स्मारक ‘ए’ डिभिजन लिग फुटबलया न्हूगु सिजन थौंनिसें न्ह्यायेत्यंगु दु ।

अखिल नेपाल फुटबल संघ (एन्फा) या  ग्वसाःलय् जुइत्यंगु उलेज्या कासाय् यलःया निगू टोली सातदोबाटो युथ क्लब व फ्रेण्ड्स क्लब दथुय धेंधेंबल्ला जुइ ।

न्हिने ४ ता ई जुया  ४५ गू मिनेटय् न्ह्याइगु उलेज्या कासा फ्लड लाइटय् म्हितकिगु जूगु दु । निन्हूगु दिंनिसें हरेक दिं निगू कासात जुइ । मुक्कं ९१ गू कासा जुइगु लिगय् ‘ए’ डिभिजनया १४गू क्लबया धेंधेंबल्ला जुइत्यंगु दु ।

थ्वखुसिइया लिगया दक्वःलय् लिउने लाइगु निगू टिम रेलिगेसनय् लाना ‘बी’ डिभिजनय् कुहाँवनिइ  । लिगया थ्वयान्ह्यःया सिजनया उपाधि मछिन्द्र क्लबं त्याकुगु खः । थ्व खुसिइया लिग त्याकामिं ७५गू लख ध्यबा सिरपाः चूलाकिइ ।

अथेहे ल्यु त्याकामिं ५०गू लख चूलाकिबलय्  ३गूगु थासय् लाइगु टिमं २५गू लख तका चूलाकिइ । हरेक कासाया त्याकामिं ५०द्वः तका चूलाकिइ । कासा ज्वलिन्ज्वः जूसा निगुलिं टोलीं २५द्वः २५द्वः तका चूलाकिइ ।

Categorized in कासा