श्याम–विश्व सिरपाः नरेश अमात्ययात लःल्हात
लहनान्युज | पोहेलाथ्व चतुर्थी ११४० (दिसेम्वर ३० २०१९)
याताजः नेपालभाषा साहित्य दबूया ग्वसालय् ‘याताजः नेपालभाषा साहित्य श्याम–विश्व सिरपाः –११३९’ नरेश अमात्ययात लःल्हाःगु दु ।
मूपाहाँ शताब्दी पुरुष डा. सत्यमोहन जोशीं अमात्ययात उगु सिरपाः लःल्हानादीगु खः । थ्व हे झ्वलय् श्याम आशाया ‘लाल्टिन’ चिबाखं मुना सफू पितब्वज्या नं जूगु खः ।
साहित्यकार शौरभ शाक्यया सभाध्यक्षताय् जूगु ज्याझ्वलय् मूपाहाँ डा. जोशीलिसें साहित्यकार योगेन्द्र प्रधानं सिरपाः त्याकादीगुलिं भिन्तुना देछानादीगु खः ।
हसना लवःजुं न्ह्याकादीगु उगु ज्याझ्वलय् बाखं च्वमि कृष्णभक्त बोडें लसकुस यानादीगु खःसा विमल ताम्राकारं सुभाय् देछानादीगु खः ।
बुखँ नेवाः सुचना केन्द्र
किपा राजेन्द्र रंजित
Categorized in राष्ट्रिय
