श्याम आशाया निगू सफू पितब्वज्या
लहनान्युज | थिंलागा पारु ११३९ (दिसेम्वर २३ २०१८)
याता जः नेपालभाषा साहित्य दबू ख्वपया ग्वसालय् नेपालभाषाया साहित्यकार श्याम आशाया ‘बाःवःगु ख्वबि’ (बाखं मुना) व ‘पिज्वये मफूगु सः’ –चिबाखं मुना) शताब्दी पुरुष सत्यमोहन जोशीं छगु ज्याझ्वः दथुइ निगु सफू पितब्वज्या यानादीगु दु ।
उगुु ज्याझ्वलय् च्वमि साहित्यकार श्याम आशा व वय्कःया जहान विष्णु कुमारी कायस्थं ‘याताजः नेपालभाषा साहित्य श्याम विश्व सिरपाः’ ५ लख तका दांया अक्षयकोष न नीस्वनादीगु दु ।
ज्याझ्वलय् प्रा. नर्मदेश्वर प्रधानं पिदंगु सफूया समालोचना यानादीगु खःसा नेपाल साहित्य मन्दिरया नायः तिलक प्रकाश कायस्थ, सिद्धिदास प्रतिष्ठानया नायः नरेन्द्रभक्त हाडा, रामशेखर
लुमन्ति दबूया नायः गोविन्दमान श्रेष्ठ, न्ह्यज्या खलःया नायः सुशिला श्रेष्ठपिसं थःथगु नुगःखँ तयादीगु खः ।
दबूया दुजः शौरभ शाक्यया सभाधक्ष्यतायु जुगु उगु ज्याझ्वलय् कृष्ण भक्त बोडें न्ह्याकादीगु खः ।
बुखँ नेवाः सुचना केन्द्र किपा राजेन्द्र रजिंत
