रुपन्देहीया लुम्विनी सांस्कृतिक नगरपालिका– ५ तेनुहवा च्वनिम्ह २२ दँया मिसा बन्दना पासीया हत्याया द्वपनय् वयेकया भातयात ज्वंगु दु ।

ट्याक्टरय् सीम्ह तया लिपांगु संस्कारया नितिं यंकाच्वंगु अवस्थाय् खनेधुंका प्रहरीं खोजी याःगु खः । सीम्हया जाँच मुचुल्का याःबलय् सीम्हया कपाः व जःच्वयेय्या ब्वय् घाः खनेदुगुलिं भातःम्ह गणेश पासीयात नियन्त्रणय् कया अनुसन्धान न्ह्याकुगु जिल्ला प्रहरी ज्याकु रुपन्देहीं न्ह्यथंगु दु ।

पासीं थःपिन्सं ल्हा वाना ज्यान कयाःगु नालाकाःगु जिल्ला प्रहरी ज्याकु रुपन्देहीया प्रवक्ता प्रहरी नायब उपरीक्षक नवरत्न पौडेलं जानकारी बियादील । सीम्हयात पोष्टमार्टमया नितिं लुम्विनी प्रादेशिक अस्पताल बुटवल छ्वगु दु ।

सीम्हसिया भातम्हलिसें ट्याक्टरय् सवार राजु पासी धाःसा फरार दु ।

Categorized in अपराध