श्रीलंकां बंगलादेशयात न्ह्यय्गु विकेटं बुकल
लहनान्युज | दिल्लागा द्धादशी ११३९ (जुलाई २९ २०१९)
बंगलादेश नाप जुया च्वंगु एकदिवसीय क्रिकेट सिरिजय् छगु कासा न्ह्यः हे श्रीलंका उगु सिरिज त्याःगु दु ।
श्रीलंकां बंगलादेशयात न्ह्यय्गु विकेटं बुका उगु सिरिज त्याकुगु खः । थ्व स्वया न्ह्यः न श्रीलंका बंगलादेशयात ९१ रनं त्याकुगु खः।
२३९ रनया मध्यम चुनौती ज्वना ब्याटिङ याः वःपि श्रीलंकां ४४.४ ओभरय् स्वःगु विकेटया क्षतिइ उगु लक्ष्य चुलाकुगु खः । श्रीलंकाया लागि अभिस्का फर्नान्डो ८२ रन, एन्जेलो माथेवस अविजित ५२, कुशल मेन्डिस अविजित ४१ व कुशल परेरां ३० रन दयेकुगु खः ।
थ्व स्वया न्ह्यः टस त्याका ब्याटिङ यासे बंगलादेशं निर्धारिति ५० ओभरय् च्याःगु विकेटयो क्षतिइ २३८ रन जक दयेकुगु खः । बंगलादेशया लागि मुश्फिक्युर रहिमं अविजित ९८ रन व मेहिदी हसन मिराजं ४३ रन दयेकुगु खः ।
