श्रीलंकाविरुद्धया छगू दिवसिय क्रिकेट श्रृंखला इंग्ल्याण्डया ल्हातय्
बछलागा अष्टमी ११४१, असार १८ शुक्रवाः
श्रीलंकाविरुद्धया छगू दिवसिय क्रिकेट श्रृंखला नं इंग्ल्याण्डं त्याकुगु दु ।
थ्वयान्ह्यः टी–ट्वेन्टी श्रृंखला ३–०लिं क्लीन स्वीप याःगु इंग्ल्याण्डं म्हिगः निगूगु एकदिवसीय कासाय् श्रीलंकायात ८ गू विकेटं बुका श्रृंखला ल्हातये लाकुगु खः । ओभल मैदानय् न्हापा ब्याटिङ याःगु पाहाँ टोली श्रीलंकां क्वजिनातःगु ५०गू ओभरय् ९गू विकेट तंका २सः व ४१गू रन दयेकुगु खः ।
श्रीलंकायात मध्यम स्कोरय् पनेत इंङ्गल्यान्डया ल्याम्ह बलर साम कुरानं ५ गू विकेट काःगु खः । लिसःलय् २ सः व ४२गू रनया आज्जु लिफ्यागु खः ।
इङ्ंग्ल्यान्डं ४३गू ओभरय् निगू विकेट तंका कासा त्याकुगु खः । उमिगु नितिं कप्तान इयोन मोर्गनं नटआउट ७५गू रनाया योगदान बिउगु खः । श्रृंखलाया ३गूगु व लिपांगु एकदिवसीय कासा आइतबाः ब्रिस्टोलय् जुइत्यंगु दु ।
