संकिपाकःमि अमृतचन्द्रया मां मन्त
लहनान्यूज सम्वाददाता | कछलागा नवमि ११३७ (नोभम्बर २३ २०१६)
नेवाः संकिपा ख्यलय् सक्रियम्ह नेवाः सिनेकःमि अमृतचन्द्र श्रेष्ठया मां हेरामाया श्रेष्ठ थौं मन्त ।
छाति स्यानाः वयकःयात वासः यायेत ग्रान्डि अस्पताल यंकूगु खः । अन हे सुथय् ४ः३०ताः इलय् मदुगु खः ।
७५दँ दुम्ह मदुम्ह श्रेष्ठयात नुगःया समस्या दुगु खः । मदुम्ह श्रेष्ठयात न्याला न्ह्यः हृदयघात जूगु खःसा व धुंकाः वयकःया नुगलय् पेसमेकर तयातःगु दुगु खः ।
मदुम्हेसिया थौं हे पशुपति आर्यघाटय् अन्त्येष्टि याःगु दु । काय् अमृतचन्द्र श्रेष्ठं मदुम्हेसित मि तयादिल ।
Categorized in राष्ट्रिय
