२०८० चैत्र ६, मंगलबार

संगीतकार रत्न बेहोसियात हनीगु

लहनान्यूज सम्वाददाता | कछलागा षष्ठी ११३७ (नोभम्बर २० २०१६)

यलया कलाकार परिषदं वरिष्ठ संगीतकःमि रत्न बेहोसियात हनीगु जूगु दु ।
 
वइगु थिंलागा चतुर्थिकुन्हु छगू सांगितिक ज्याझ्वःया ग्वसाः ग्वसें परिषदं वयकःयात हनेत्यंगु खः । ‘कायमचा ल्यायम्ह जूगु स्वयेबलय्, राजमहलया न्ह्यइपु बजारय्’ लिसें आपालं लोकं व्हाःगु म्येत च्वयेगु लिसें लय् चिनेगु व हालेगु ज्या यानादीम्ह बेहोसियात नेवाः संगीत ख्यलय् ताः ई न्ह्यःनिसें मदिक्क बिया वयाच्वनादीगु योगदानयात च्वछासें हनेत्यंगु खः ।
 
सांगितिक ज्याझ्वलय् नेवाः संगीत ख्यलय् लोकं व्हाःपिं कलाकारतयगु नं न्ह्यब्वया दइगु ग्वसाः खलकं न्ह्यथंगु दु । ज्याझ्वलय् स्वयम्भुराज शाक्य, अमरराज शर्मा, सानुबाबु महर्जन, निशा देशारं लिसें नं थःथःगु सांगितिक न्ह्यब्वया न्ह्यब्वयेत्यंगु दु ।
 
यलया अग्नि पार्टि प्यालेसय् याइगु ज्याझ्वःया टिकटया मू द्वःछि तका तयातःगु दु ।
Categorized in मनोरन्जन