संघीय समाजवादिपाखें न्हूपिं दुजःपिन्त लसकुस
लहनान्यूज | तछलागा आमै ११३७ (जुन २४ २०१७)
संघीय समाजवादि फोरम नेपालं ११९ न्हूपिं दुजःपिन्त पार्टिइ लसकुस याःगु दु ।
ससफो नेपाल नेवाः प्रदेश समितिं येँय् छगू ज्याझ्वः यासें स्वनिगःया थीथी थासं वःपिं ११९म्ह न्हूपिं दुजःपिन्त लसकुस याःगु खः ।
न्हूपिं दुजःपिन्त ससफो नेपालया ल्यू नायः राजेन्द्र श्रेष्ठं खादां न्ययेकाः पार्टिइ लसकुस यानादीगु खः ।
ज्याझ्वलय् ल्यू नायः श्रेष्ठया लिसें केन्द्रिय दुजः गणेश योन्जन, विद्यूत बज्राचार्यं पार्टिया सिद्धान्त, नीति व समसामयिक राजनैतीक परिवेशया बारे न्वःवानादीगु खः ।
समितिया नायः न्हुच्छेलाल महर्जनया सभानायकय् जूगु ज्याझ्वलय् ससफो येँ जिल्ला नायः मनरत्न शाक्यं लसकुस न्वचु बियादीगु खः ।
Categorized in राजनीति
