संघीय समाजवादी येँया न्हापांगु तःमुँज्या क्वचाल
लहनान्यूज | चिल्लागा षष्ठी ११३७ (मार्च १८ २०१७) |
संघीय समाजवादी फोरम नेपाल, येँ महानगर समितिया न्हापांगु तःमुँज्या येँय् क्वचाःगु दु ।
महानगर तदर्थ समितिया नायः सुवर्णकुमार श्रेष्ठया सभाध्यक्षताय् जूगु ज्याझ्वःया उलेज्या समाजवादी फोरमया सह–अध्यक्ष राजेन्द्र श्रेष्ठं यानादीगु खः ।
ज्याझ्वलय् समितिया नायः सुवर्णकुमार श्रेष्ठं राजनैतिक प्रतिवेदन न्ह्यब्वयादीगु खःसा केन्द्रीय नेतापिं राजेन्द्र श्रेष्ठ, धीरेन्द्र वहादुर श्रेष्ठ, शाक्य सुरेन, सुशीला श्रेष्ठ, सानुराजा शाक्य, पवित्र बज्राचार्य, मञ्जु अन्सारी, येँ जिल्लाया नायः मनरत्न शाक्य लिसें नं पहिचान सहितया संघीयता व न्ह्यानाच्वंगु आन्दोलनयात कयाः न्ववानादीगु खः ।
तःमुँज्यापाखें येँ महानगर समितिइ नायः मंगलरत्न ताम्रकार, न्वकू विजय डंगोल, छ्याञ्जे मीरा महर्जन ताम्रकार, दांभरि उमा ताम्रकार, ल्यू छ्याञ्जे धनबहादुर गोलेलिसें ३५म्हेसिगु संघीय समाजवादी येँ महानगर समिति घोषणा याःगु खः ।
Categorized in राजनीति
