संबिधान संशोधनं पूर्णता काइमखु
लहनान्युज | गुंला थ्व तृतीया ११३७ (जुलाई २६ २०१७)
नेपाल मजदुर किसान पार्टीया अध्यक्ष नारायणमान बिजुक्छेंं साँसद न्यायेमिइगु ज्या मजुल धाःसा संबिधान संशोधनं पूर्णता काइमखु धयादीगु दु ।
रफत सञ्चार क्लबं बुधवाः ग्वसाःग्वःगु साक्षात्कार ज्याझ्वलय् न्वंवासें बिजुक्छें संशोधनया बिषय वःगु जूसां सांसद न्यायेमिइगु मजुल धाःसा उकिं पूर्णता काये फइमखुगु धासें यदि संबिधान संशोधन जुल धाःसा देय्या नितिं घातक जुइ धयादिल ।
नेकपा माओवादी केन्द्रया अध्यक्ष प्रचण्डं बिगतय् धाःथें भारतं नेपाःया चिचीधंगु बिषयलय् तकं हस्तक्षेप यानाच्वंगु खुलासा यानादिल । स्थानिय तहया निर्वाचन न्हयः गुगु कथं नेपाली राजनीतिज्ञतय्सं नेपाःमितय्त मथुइकुसे सिंहदरवारया अधिकार गाँ गाँमय् धैगु नारा बिल आः वया थ्वहे सिंहदरबारया कर्मचारी व नेतातय्गु नितिं कपाः स्याना च्वंगु बिजुक्छें टिप्पणी यानादिल ।