संविधानं फुक्क जनताया समान अधिकार बिउगु दु
लहनान्युज | गुंला थ्व षष्ठि ११३७ (जुलाई २९ २०१७)
नेकपा एमालेया वरिष्ठ नेता झलनाथ खनालं नेपाःया संविधानं फुक्क जनताया समान अधिकार बिउगु दु धकाः धयादिगु दु ।
इलामया सूर्योदय नगरपालिकापाखें शनिवाः येँ इलामया विकासबारे विज्ञपिंंलिसे यागु छगु सहलहलज्याझ्वलय् वरिष्ठ नेता खनालं अथे धयादीगु खः । वय्कलं आःया संविधान नेपालया इतिहासया हे बांलाःगु संविधान जुगु समेत दाबी नं यानादिल ।
खनालं संविधान परिवर्तनशील जुगुलिं उगु सम्झौताया दस्तावेजया रुपं सकलसिनं स्वीकार यायेमाः धकाः धयदिल । खनालं निर्वाचित जनप्रतिनिधिपिंन्सं विकासया ज्याझ्वलय् न्ह्यां वनेत इनाप नं यानादिगु खः ।
