२०८० चैत्र १६, शुक्रबार

संसदीय निर्वाचन न्हपां यायेमा

लहनान्युज | गुंलाथ्व पंचमी ११३७ (जुलाई २८ २०१७)

नेकपा एमालेया अध्यक्ष केपी शर्मा ओलीं प्रदेशसिबें न्हापां संसदीय निर्वाचन यायेमाःगु धकाः धयादिगु दु । मानसरोवरपाखें यागु छगु ज्याझ्वलय् थः थे बिचाः तयादिगु खः।
 
शुक्रवाः स्वदेश लिहाँझायादीम्ह अध्यक्ष ओलीं त्रिभुवन बिमानस्थलय् संचारकःमिपि लिसें खँ ल्हासें आः संसदया निर्वाचन हथाय् जूगु धयादिसे प्रदेश सिबें संसदीय निर्वाचन न्हापां यायेमाःगु बिचाः प्वंकादिल । ओलीं थ्वहे माघ ७ गतेया संबैधानिक सिमानायात आयोग व सरकारं ल्वःमंके मज्यूगु तकं बिचाः तयादिल। 
 
अध्यक्ष ओलीं आः संशोधनया विषयलय् सहलह ब्याकेत एमालेयात फुर्सद मदुगु टिप्पणी यानादिसें वय्कलं  राजपा नं लोकतान्त्रिक प्रक्रियाय् वयेमाःगु धासें संसोधनया मुद्धाय् एमालें मखुसें काग्रेसं हे राजपायात झंगः ल्हायेगु ज्याःयानाच्वंगु द्वपं बियादिल ।
 
 
ओलीं तातोपानीया लँपु भिंकेत तिब्बत सरकारलिसें नं खँ ल्हानागु धयादिसें तिब्बत बोर्डरतक लँ थ्यंकेत तिब्बत तयार जूगु जानकारी नं बियादिल ।
 
 
Categorized in राजनीति