नेपाल कम्युनिस्ट पार्टी (नेकपा) या अध्यक्ष पुष्पकमल दाहाल प्रचण्डं संसद पुनस्थापित याना न्हुुगु सरकार दयेकेगु धका धाःगु दु।

थौं बुधवाः प्रचण्ड व माधव समूहया सांसदपिनगिु बैठकय् वयकलं संसद विघटन अवैधानिक खः धाःसे पुर्नस्थापित याना न्हुगु सरकार दयेकेगु धका धयादीगु खः। ‘संसद पुर्नस्थापित याना न्हुगु सरकार दयेकेगु हे जिमिगु प्रतिवद्धता खः । ‘मेगु संसदीय दलया नेतापि नाप सहलह यासे न्हुगु परिस्थिति निर्माण यायेगु लय् जिपि दु।धका वयकलं धाःगु खः। प्रचण्डं ७० प्रतिशतया उपस्थितिइ केन्द्रीय समिति बैठक च्वने धुका थःपि हे वैधानिक व तधःगु दल खः धका धाःगु खः। ‘

संसदीय दलय् न ११५म्ह आः न सहभागी जूगु दु व मेपि सांसदपिन्स न ल्हाचिं तयेगु वचं बिःगु दु धाःसे उकि संसदीय दलय् जिपि हे वैधानिक खः’ धका धयादीसे, ‘दकलय् तधःगु दल जुगु थुकि पुष्टि जू।’ संसद विघटन असंवैधानिक व अलोकतान्त्रिक धाःसे संविधानसभापाखे प्रधानमन्त्रीं संसद विघटन याये फइ मखु धक च्वयातःगु दु धका धयादीगु खः ।

‘थुकिया लिउने यक्को षड्यन्त्र दु, देशी विदेशी शक्तिया चलखेल न दु धका धयादीगु खः। 

Categorized in राजनीति