प्रधानमन्त्री केपी शर्मा ओलीया नेतृत्व सरकारं संसद विघटन यायेवं थीथी दल व समूह दथुइ विरोध शुरु याःगु दु। थुगु झ्वलय् म्हिगः थीथी थासय् विरोध प्रदर्शन तक जुगु दु।

जनता समाजवादी पार्टीया भातृ संगठन नेवाः राष्ट्रिय समिति अन्तर्गत जनसरोकार समन्वय समितिं संसद विघटन यागु यात कया म्हिगः मशाल जुलुस पिकाःगु दु।

थाय्मदु चुकः पिकाःगु उगु जुलुस थँहिति, त्यौड जुया असनय् वना छगु कोण सभा याःगु खः।

गिरिजा, शेरबहादुर, तात्कालिन एमाले सरकार व आः वया बहुमत प्राप्त नेकपाया केपि  शर्मा ओलि याःगु सरकार तक संविधान भंग याना देसयात हान छकः लिउने यंकेगु कुतः जुगु थज्यागु कुर्सी मोह व स्वार्थ याना गब्ले राजनैतिक दलतयेस देय् लिउने यकंगु कुत जुयावया च्वंगु झीसं थुकिया बिरोध यायेमाः धका समाजबादी युवा सघया केन्द्रिय सद्स्य श्रीजन मान श्रेष्ठं लहनान्युजयात धयादीगु दु।

श्रेष्ठ बर्मुवादया बिरोध याना छप जुया व प्रत्यक्ष निर्वाचित राष्ट्रपति, पहिचान सहितया सघियता, समानुपातिक समाबेसी राज्यब्यवस्थाया पक्षधर जनता समाजबादी पार्टी नाप जाना निर्णायक आन्दोलन याये माः धका धयादीगु खः। 

Categorized in राजनीति