संसद विघटनविरुद्धया दक्वः मुद्दा संवैधानिक इजलासय् छ्वयेत आदेश
कछलागा पारु ११४१,जेष्ठ १३ बिहीवाः
सर्वोच्च अदालतं प्रतिनिधिसभा विघटन विरुद्धया १९गू रिट निवेदन नं संवैधानिक ईजलास हे छ्वयेगु आदेश याःगु दु ।
प्रधानन्यायाधीश चोलेन्द्र शमशेर राणाया याक ईजलासं प्रारम्भिक सुनुवाई यासें संवैधानिक इजलासय् पेश जूगु व थौंया रिट निवेदनय् ब्वलंगु विषय तकं गम्भीर संवैधानिक ध्वाथुइकेमाःगु विषय धासें रिट निवेदन संवैधानिक ईजलासय् छ्वयेत आदेश बिउगु खः ।
निक्वःखुसी जूगु प्रतिनिभिसभा विघटनया सुनुवाईया न्हापागु दिं १६गू रिट निवेदकपिन्सं बहस याःगु खः । बहसया भ्mवलय् निवेदपिन्सं अन्तरिम आदेशया माग यासां नं सर्वाेच्चं धाःसा अन्तरिम आदेश बिइत अस्वीकार याःगु दु ।
बरिष्ठ अधिवक्ता दिनेश त्रिपाठीं संविधानया धारा ७६ या उपधारा ५ बमोजिमया सरकारय् प्रधानमन्त्री ओलीया दाबीइ राष्ट्रपतिं दाबी अस्वीकृत यायेमाःगुलिइ संसद विघटन याःगु धासें अदालतं हे प्रधानमन्त्री विरुद्ध अदालतया अवहेलना मुद्दा न्ह्याकेमागु माग यानादिल ।
त्रिपाठीं संसद पिने बजेट हयेगु म्हगस संविधानं मयागु धासें बजेट दिकेत नं माग यात । तर प्रधानन्यायाधीश राणां धाःसा सरकारं बजेट पित हई कि महई अनुमानया भरय् आदेश बिइ मजिउगु धयादिल ।
बहसया भ्mवलय् रिट निवेदकपिन्सं राष्ट्रपतिया अधिकारय् नं न्ह्यसः तःगु खः । संवधानिक ईजलासय् ११गू रिट निवेदन थ्वयान्ह्यः लायेधुंकूगु दु । आः दक्वः मुद्दाया सुनुवाई संवधानिक अदालतं हे जुई जूगु दु ।
