सः छगू फरक अभिव्यक्तिया साहित्यिक ज्याझ्वः
लहनान्युज | पोहेलाथ्व चतुर्दशी ११३९ (जनवरी १९ २०१९)
सः छगू फरक अभिव्यक्तिया ग्वसालय् निक्वःगु साहित्यिक ज्याझ्वः यलय् जूगु दु ।
उगु ज्याझ्वलय् बाखं स्वम्ह च्वमिपिं शान्त राज शाक्य, नरेश अमात्य, सुजिता महाजुपिसं ं न्यापु न्यापु ल्याखं मुक्कं झिंन्यापु चिबाखं ब्वने ज्याःजुगु खः ।
अथेहे उगु ज्याझ्वलय् कवि सुधिर ख्वविं बाखं च्वमिपिं स्वम्ह व ज्याझ्वलय् ब्वतिकयादीपिं मध्ये गोलाप्रथां केदार सितुयात मतिनाया चिं लःल्हाःगु दु ।
सुनिल बज्राचार्यं न्ह्याकादीगु उगु ज्याझ्वलय् डा. पुष्प राज राजकर्णिकार, राजा शाक्य, मथुरा सायमि, पुस्कर माथेमा, शरद कसाः लगायत थीथी संचारया पत्रकारपिसं ब्वति कयादीगु खः ।
बुखँ नेवाः सूचना केन्द्र किपा राजेन्द्र रञ्जित
