२०८० चैत्र १६, शुक्रबार

सक्व जेसिसया बुदिं हन

किचःसिं ज्यापू | दिल्लागा सप्तमी ११४०,असार २८ आइतवाः

वंगु सन्चरबाः सक्व जेसिसया बुदिं हंगु दु । ज्याझ्वलय् मू पाहांकथं थ्यंकादीम्ह सक्व जेसिसया न्हापांम्ह नायः लबकुमार श्रेष्ठं सक्व जेसिसयात भिन्तुना ब्युसें थुकिया ईतिहासबारे नं कुलादीगु खः ।
 
मेम्ह पुलांम्ह नायः तुल्सि बहादुर श्रेष्ठं सक्व जेसिसं यानावयाच्वंगु ज्यायात कयाः च्वछानादीगु खः । अथे सक्व जेसिस २०२० या नायः सरोज कुँइकेलं थुगु दँया कार्ययोजना न्ह्यब्वयादीगु खः ।
 
वइगु श्रावण ३ गते सक्वया ज्योतिलिंङ्गेश्वर परिसरय् हिदान ज्याझ्वः, १० गते पञ्चमहालक्ष्मी परिसरय् बृक्षारोपण, १७ गते शंखरापुर नगरपालिकायात स्वास्थ्य ज्वलं बीगु, २४ गते
 
ज्योतिलिङ्गेश्वर परिसरय् सरसफार व ३१ गते समापन लिसेंया ज्याझ्वः यायेगु कुइँकेलं जानकारी बियादिल । ज्याझ्वः कजि नवराज श्रेष्ठं लसकुस यानादीगु खः ।
 
Categorized in राष्ट्रिय