सचिवालयया छम्हेसित कोरोना खने दुगुलि देउवा आइसोलेसनय्
निजी सचिवालयय् ज्यायाइम्ह छम्हेसित कोरोना पुष्टि जुइवं कांग्रेस सभापति शेरबहादुर देउवा आइसोलेसनय् च्वःगु दु ।
 
देउवाया निजी सचिवालयय् ज्यायाइम्ह छम्हेसित कोरोना खने दुगुलि देउवा होम आइसोलेसनय् च्वंगु दु धका स्वकीय सचिव भानु देउवां जानकारी बिःगु दु ।
 
संक्रमित जुम्हसिया कन्ट्याक्ट ट्रेसिङय् लायेवः सचिवालयय् ज्या याइवि मेपि प्यम्हेसिगु रिपोर्ट नेगेटिभ वःगु दु । सभापति देउवां शुक्रवाः स्वाब परीक्षण याइ धका स्वकीय सचिव भानु देउवां जानकारी बिःगु दु ।
 
देउवा होम आइसोलेसनय् च्वने वः बिहीवाःया लागि तय जुगु सत्तारुढ व प्रमुख प्रतिपक्ष दल दथुइ सहलह ज्याझ्वः न स्थगित जूगु दु धका जानकारी बिःगु दु । देउवाया कोरोना परीक्षणया रिपोर्ट वये वः जक बैठक च्वनि धका धाःगु दु ।
 
बिहीवाः सत्तारुढ नेकपा व प्रमुख प्रतिपक्ष दल दथुइ संवैधानिक निकाय व विश्वविद्यालयय् खालि जुयाच्वंगु पदय् नियुक्तिया बारेय् सहलह यायेगु लागि बैठक क्वछिगु खः ।
Categorized in राजनीति