सज्जा चौलागाईं जुल ‘नेपाल आइडल’
शोभा श्रेष्ठ | ञंलाथ्व ११ ११४०,भाद्र १३ सनिवाः
सज्जा चौलागाईं ‘नेपाल आइडल’ सिजन–३ या विजेता जूगु दु । म्हिगः बहनि जूगु ग्रान्ड फिनालेय् प्रवीण बेडुवाल व किरण कुमार भुजेलयात लिउने लाका सज्जां त्याकेत ताः लाःगु दु ।
सज्जां टाइटल नाप नगद ५० लाख त्याकूगु दु । फष्ट रनरअप प्रविण वेडुवाल जूगु दु सा किरण सेकेन्ड रनरअप जूगु दु । उमिस १० लाख व ५ लाख त्याकेत ताः लाःगु दु न ।
थौंकन्ह्य कोरोनाया कारण ग्रान्ड फिनाले सामाजिक दूरी कायम यासे ज्याझ्वः याःगु खः ।
फाइनलय् थ्यःपि सज्जा, प्रविण व किरण मध्ये किरण वाइल्ड कार्ड इन्ट्री मार्फत फाइनलय् थ्यःगु खः ।
नेपाल आइडलय् थुगु सिजनय् न्ह्यू वज्राचार्य, कालीप्रसाद बास्कोटा व इन्दिरा जोशी निर्णायक जूयादिगु खः ।
न्हापागु सिजनय् बुद्ध लामा व निगु सिजनय् रवि ओड त्याकूगु खः ।
