सण्डरल्याण्डयात बुकाः आर्सनल इंग्लीश लिग कप फुटबल च्याम्पियनसीपया सेमिफाइनलय् दुहाँवंगु दु ।

वंगु चान्हय् थःगु हे मैदानय् जूगु कासाय् आर्सनलं सण्डरल्याण्डयात ५–१ गोल अन्तरं बुकल । आर्सनलया नितिं एन्केतियां ह्याट्रिक याबलय् निकोलस पेपे व पाटिनों छगोल छगोल थप याःगु दु ।

सण्डरल्याण्डया ब्रोडहेडं छगोल नकूगु दु । कासा त्याःगुलिसे आर्सनल च्याम्पियनसीपया सेमिफाइनलय् दुहाँवंबलय् सण्डरल्याण्ड पिहाँवंगु खः ।

लिग कपया ल्यंदुगु स्वंगु क्वाटरफाइनल कासात थौं जुइ । थौं चान्हय् ब्रेन्टफोर्ड व चेल्सी, लिभरपुल व लेष्टर सिटी अले टोटनह्याम हट्सपर व वेष्ट ह्याम युनाइटेडदथुइ धेंधेंबल्ला जुइ ।

Categorized in कासा