सताब्दि पुरुष जोशी सम्मानित
प्रवीण महर्जन | कछलागा औंशी ११३७ (नोभम्बर २९ २०१६)
श्रद्वेय भिक्षु सोभित महास्थविरया ३५क्वःगु प्रवज्या दिवसया लसताय् हना ज्याझ्वः क्वचाःगु दु ।
गण महाविहारय् क्वचाःगु हना ज्याझ्वलय् सताब्दि पुरुष डा.सत्यमोहन जोशीयात हंगु दु । लिसें उगु हे ज्याझ्वलय् राष्ट्रकवि माधवप्रसाद घिमिरेयात हंगु खः ।
सम्मानित निम्हेसितं भिक्षु सोभित महास्थविरं दोसल्लां न्ययेकेगुलिसें हनापौ लःल्हानाः हनादिल ।
नेपालया भाषा, साहित्य अले शिक्षाया विकासय् ब्यूगु ज्वःमदुगु योगदानया नितिं राष्ट्रकवि घिमिरेयात हंगु खः । भाषा, साहित्य, कला संस्कृतिया तपस्या अले अनुरागया उत्कृष्ट मूल्यांकन यासें धकाः शताब्दि पुरष जोशीयात हंगु खः ।
