सत्यनारायण बहादुर श्रेष्ठया १०४क्वःगु बुदिं हन
लहनान्युज | पोहेलाथ्व चतुर्थी ११४० (दिसेम्वर ३० २०१९)
नेवाः पत्रकार राष्ट्रिय दबुलिं यलया एभीएम स्कूलय् छगू ज्याझ्वः यासें नेपाल पत्रकार महासंघया न्हापांम्ह संस्थापक नायः सत्यनारायण बहादुर श्रेष्ठया १०४क्वःगु बुदिं हन ।
नेवाः पत्रकार राष्ट्रिय दबूया नायः सुरजबीर बज्राचार्यया सभाध्यक्षताय् जूगु ज्याझ्वलय् मूपाहाँकथं जनजाति पत्रकार महासंघया नायः डण्ड गुरुङ्ग, विशेष पाहाँकथं मधेसी पत्रकार संघया नायः मोहन सिंहपिं झायादीगु खः ।
दबूया यल जिल्लाया न्वकू प्रशान्त मालीं लसकुस यानादीगु उगु ज्याझ्वलय् सत्यनारायण बहादुरया म्ह्यायलिसें एभीएम स्कुलया प्रिन्सिपल सुजिता मानन्धर, दबूया बरिष्ठ न्वकू नृपेन्द्रलाल श्रेष्ठ व थीथी ख्यःयापिं ब्यक्तिपिनिगु उपस्थिति दुगु खः ।
ज्याझ्वः दबूया छ्याञ्जे केके मानन्धरं न्ह्याकादीगु खः ।
