सत्यमोहन जोशीयात चिनियाँ राजदूतं नाप लात
माधवप्रसाद घिमिरे | बछलाथ्व त्रयोदशी ११३९ (मे १७ २०१९)
संस्कृतिविद नाप वाङमय शताब्दीपुरुष सत्यमोहन जोशीयात नेपालया लागि चिनियाँ राजदुत होउ यान्छीं थौं वयकःयाःगु हे छेँय् नाप लागु दु ।
चिनियाँ राजदूतं वाङमय शताब्दीपुरुष सत्यमोहन जोशीयात सच्छि दँया लसताय् भिंतुना बियादीसे ४५ मिनेट तक वयकःया छेँय् नाप लाना खल्हाबल्हा यानादीगु खः ।
चिनियाँ राजदूतं नाप लायेगु झ्वलय् संस्कृतिविद नाप वाङमय शताब्दी पुरुष सत्यमोहन जोशीं अरनिकोया बारय् थःम्ह च्वयादीगु कृति, अरनिको, नेपाल व चिनया दथुइ सम्बन्धया बारय् चिनियाँ राजदूतयात जानकारी बियादीगु खः । नाप शताब्दीपुरुष जोशीं चिनियाँ साहित्यय् थःम्ह यानागु अध्ययन व अनुसन्धाया विषयया न जानकारी बियादीगु खः।
चिनियाँ राजदूत यान्छीं जोशीयात चिन भ्रमणया लागि प्रस्ताव न तयादीगुु खः । उगु प्रस्तावय् वाङमय शताब्दी पुरुष जोशीें स्वास्थ्य अवस्था व उमेरया कारण भ्रमणया लागि आः तत्काल असमर्थ व्यक्त यानादीगु दु ।
थौं जुगु उगु ज्याझ्वलय् राजदूत यान्छीं वाङमय शताब्दी पुरुष जोशीयात भिं उसाँय् या कामना यासे मतिनाया चिं न लःल्हानादीगु खः । अथेहे यस महानगरपालिका पाखें प्रमुख चिरीबाबु महर्जनं बुगःद्यया रथ चिनियाँ राजदूत यान्छीयात लःल्हानादीगु खः ।
उगु ज्याझ्वलय् यल महानगरपालिकाया प्रमुख चिरीबाबु महर्जन, प्रबक्ता राजु महर्जन, वडा नं. ३ या अध्यक्ष श्रीगोपाल महर्जन, उद्योग वाणिज्य संघ ललितपुरया पूर्वअध्यक्ष अजरमान जोशी पिनिगु न उपस्थिति दुगु खः ।
