सन्दीप लामिछानें जमैका तलावाजपाखे म्हितिगु
लहनान्युज | दिल्लागा द्धितीया ११४०,असार २३ मंगलवाः
क्यारेबियन प्रिमियर लिग क्रिकेटय् सन्दीप लामिछानें जमैका तलावाजपाखे म्हितिगु पक्का जूगु दु ।
कोरोना भाइरस महामारीया कारण भर्चुअल ड्राफ्टय् सन्दीप जमैका तलावाजपाखे निगू राउण्ड छनोट जूगु दु ।लामिछाने ड्राफ्टय् ९० द्धः डलर भाः क्वछिगु दु ।
लामिछाने न्हापागु संस्करणय् न्याद्धः व निगू संस्करणय् ७० द्धः डलरं अनुबन्ध जूगु दु । आः स्वक्वगू संस्करणय् ९० द्धः डलरय् अनुबन्ध जूगु दु ।
थ्व नाप आ तक दकलय् अप्व तधःगु अनुबन्ध जूगु दु । सन्दीप ड्राफ्टय् ब्बति काम्ह ५३७म्ह कासामि मध्ये छम्ह जक खः ।
सेन्ट किट्स एन्ड नाभिस प्याट्रियट्स व बार्बाडोस ट्राइडेन्ट्सपाखे लामिछानें थ्व स्वया न्ह्यः सीपीएल न म्हिते धुकुगु दु ।
