सन्दीप ‘द हन्ड्रेड’ व ‘टी–१० लिग’ क्रिकेटय् अनुबन्धित
लहनान्युज | कौलागा चौथी ११३९ (अक्टुवर १७ २०१९)
स्टार क्रिकेटर सन्दीप लामिछाने ‘द हन्ड्रेड’ व टी–१० लिग क्रिकेट कासाय् जुगु दुु ।
इंग्ल्यान्ड व वेल्सय् जुइगु ‘द हन्ड्रेड’ क्रिकेट कासाय् ड्राफ्टपाखे सन्दीपयात बुधवाः चान्ह्यः बिर्मिङहाम फोनिक्सं अनुबन्धित याःगु खः । सन्दीपयात फोनिक्सपाखे छगु लाख पाउण्डय् (करिब छगु करोड ४६ लाख नेपाली ध्यवा) अनुबन्धित याउगु खः ।
१०० बलया ‘द हन्ड्रेड’ कासाय् क्रिकेटया इतिहासय् न्हुगु अवधारणां जुइत्यःगु कासा खः । डबल राउण्ड रोविनया आधारय् जुइगु थुगु कासाय् च्याmगु टिमया सहभागिता दइ ।
अथेहे, बुधवाः चान्ह्यः सन्दीप मेगु कासाय् न अनुबन्धित जुगु दु ।
सन्दीप यूएईय् जुइगु टी–१० लिग क्रिकेटय् सन्दीपं निक्वःगु कासा म्हितिगु जुगु दु । सन्दीपयात कर्नाटकां ४५ द्धः अमेरिकी डलर पुला थःगु टिमय् दुथ्याकुगु दु ।
सन्दीप लामिछाने छन्हु हे निगुु कासाय् करिब निगु करोड नेपाली ध्यवाय् अनुबन्धित जुगु खः ।
