सन् २०४५ तक्क कार्बन उत्सर्जनयात शून्य दयेकेगु नेपाःया घोषणा
लहनान्युज | कौलागा द्धादशी ११४१, कार्तिक १६ मंगलवाः
नेपालं सन् २०४५ तक्क कार्वन उत्सर्जनयात शून्यलय् क्वकायेगु उद्घोष याःगु दु ।
स्कटल्याण्डया ग्लास्गो शहरय् न्ह्यानाच्वंगु जलवायु सम्मेलनयात सम्बोधन यायेगु झ्वलय् प्रधानमन्त्री शेरबहादुर देउवां थुकथं घोषणा यानादीगु खः । विश्व जलवायु परिवर्तन सम्बन्धी पेरिस सम्झौता कार्यान्वयनया नितिं नेपाः प्रतिबद्ध दूगु धका वयेकलं कार्बन उत्सर्जन शून्य यायेगु प्रतिबद्धता न्ह्यथनादील ।
प्रधानमन्त्री देउवां विकाशसिल देय्तयेसं चूलाकेमाःगु ग्वहालिइ अपूक पहुँचय् नं बः बियादील । जलवायु हिउपाया हुनिं नेपाःया हिमाली क्षेत्र न्हियान्हिथं प्रभावित जुयावंगुलिं थुकिया संवेदनशीलताप्रति विश्व समुदाय चिन्तित जुइमाःगु नं वयेकलं धयादील ।
हिमाली क्षेत्रया विशिष्ट जलवायु संकटयात म्हसिकेत व जलवायुलिसे स्वागु हरेक सहलहस हिमालय एजेण्डायात उच्च प्राथमिकताय् तयेत हलिंया नेतातयेलिसे नेपालं इनाप याःगु दु ।
नेपालं थःगु अर्थतन्त्रया हरेक क्षेत्रयात कार्बनरहित दयेकेगृु महत्वाकांक्षी राष्ट्रिय निर्धारित योगदान (एनडिसी) नं पेस याःगु दु ।
Categorized in राष्ट्रिय
