सप्तरीइ कोरोना संक्रमित जु थाय् गामय् सिल
लहनान्युज | बछलागा चतुर्थी ११४०, बेसाख २९ सोमवाः
सप्तरीइ कोरोना संक्रमित जुम्ह मनूया थाय् गामय् सिल याःगु दु ।
थौं सोमवाः बहनिइ च्वंगु जिल्ला सुरक्षा समितिया बैठकं डाक्नेश्वरी नगरपालिका वडा नम्बर ३ य् हटैल त्वालय् सिल यायेगु निर्णय यायेगु धका जिल्ला प्रशासन कार्यालय सप्तरीया प्रवक्ता आनन्द ठाकुरं धाःगु दु ।
लकडाउनया इलय् वःगु वैशाख ९ गते छेँय् वम्ह उम्ह मनूयात सोमवाः कोरोना संक्रमण खने दुगु खः । चितवनपाखे डाक्नेश्वरी नगरपालिकाया वडा नम्बर ३ य् कन्तचन्द्र माविया क्वारेन्टाइनय् तःगु खः । वयात वैशाख २५ गते स्वाब संकलन याःगु इलय् रिपोर्ट मस्वसे २८ गते छेँय् छ्वःगु खः ।
संक्रमित जुम्ह उम्ह मनू राजविराज गजेन्द्रनारायण सिंह अस्पतालया आइसोलेसनय् भर्ना यायेगु निर्णय याःगु खः ।
वया नाप स्वापू दुपि सकसिगु कोरोना परीक्षण न याये त्यःगु दु ।
