सप्तरी घटनाया नेरापापाखें विरोध
लहनान्यूज | चिल्लाथ्व दशमि ११३७ (मार्च ७ २०१७)
म्हिगः सप्तरीइया घटनायात कयाः नेपाः राष्ट्रिय पार्टिं नं कुंखिंगु दु ।
नेपाः पार्टिं थौं प्रेस विज्ञप्ति जारी यासें सप्तरीइ प्रहरीलिसेया झडपय् प्रहरीं कयेकूगु गोलिं लानाः प्यम्ह सीगु खँय् पार्टिया गम्भीर ध्यानाकर्षण जूगु न्ह्यथंगु दु ।
पार्टिया मू छ्यान्जे विजय सैंजुया ल्हाःचिं दुगु विज्ञप्तिइ सरकारं निहत्था मधेसी जनतायात थथे हत्या तकं याःगुलिं देशय् गम्भीर परिस्थिती ब्वलंकूगु धाःगु दु ।
सप्तरी घटनाया विरोधय् मधेसी मोर्चां याःगु निन्हुयंकया मधेस बन्दया नं पार्टिं समर्थन याःगु दु ।
लिसें पार्टिं घाःपाः जूपिन्त क्षतिपुर्तिलिसें वासः यानाबीगु व्यवस्था व सीपिन्त शहिद घोषणा यायेत नं माग याःगु दु ।
