२०८० चैत्र १५, बिहिबार

सफू सहकारीया साहित्यिक मुँज्या

लहनान्युज | बछलाथ्व षष्ठी ११३८ (अप्रिल २१ २०१८)

नेपालभाषा सफू बहुउद्देशीय सहकारी संस्था लि.या ग्वसालय् साहित्यिक मुँज्या च्वसापासा कुलांभुलुइ जूगु दु ।
 
 
संस्थाया नायः हरि प्रसाद श्रेष्ठया सभाधक्ष्य जुगु उगु मुँज्या छ्याञ्जे रेवन्त लाल श्रेष्ठं न्ह्याकादीगु खः ।
 
 
उगु ज्याझ्वलय् न्वकू बसन्त महर्जनं लसकुस न्वचू तयेगु झ्वलय् नेवाः साहित्यकार तय्के न्ह्यैपुक्क च्वसू न्ह्यब्वयेगु कला तसकं म्ह्व खने दुगुलिं थःगु च्वसू आकर्षक ढंगं ब्वनाः न्यंकेगु कला विकास याये हथाये जूगु खँ कनादिल ।
 
 
बाखं च्वमि, कवि, कवियत्री, साहित्यकारपिं दिब्या ताम्राकारं ‘त्वःफ्यूगु लँपु’, महेश मान डंगोलं ‘ठण्डा बरफ’, माणिक उरायनं ‘जीवन’, नरेन्द्रमान महर्जनं ‘जिगु देय् किपू’, राजेन्द्र रञ्जितयागु ‘वल वल छु वल’ अमिर मैया रञ्जित, बसन्त नकःमिं ‘ख्वाः’, तेजकृष्ण श्रेष्ठं ‘यज्जु’, बिमल प्रभा बज्राचार्य, बुद्ध शाक्य नेवाः, सौरभ शाक्य, किरणराम रञ्जितपिसं थः थःपिनिगु च्वसू ब्वनाः न्यंकादीगु खः ।
 
 
बुखँ नेवाः सूचना केन्द्र
 
किपा राजेन्द्र रञ्जित
 
Categorized in राष्ट्रिय