सफू सहकारीया स्वक्वःगु दँमुँज्या क्वचाल
लहनान्युज | पोहेलागा त्रयोदशी ११३८ (फ्रेअवरी २ २०१९)
नेपालभाषा ख्यःया सफू बजाः व्यवस्थापनय् बांलाकेगु ताःतुना नीस्वःगु सफू बहुउद्देशीय सहकारी संस्था लि.या थौं शनिवाः तःजिक ज्याझ्वः जुगु ।
संस्थाया नायः हरिप्रसाद श्रेष्ठ सभाधक्ष्यताय् जुगु थौंया ज्याझ्वलय् न्वकू बसन्त महर्जनं लसकुस न्वचू तयादीगु खःसा आर्थिक प्रतिवेदन दांभरिं अष्ट ारायण महर्जनं न्ह्यब्वयादीगु खः । दँमुज्याय् ब्वतिकयादीपिसं संस्था धिसिलाक्क न्ह्याकेत माःगु सल्लाह सुझाव नापं मगाःमचा तयादीगु खः ।
छ्याञ्जे रेवन्तलाल श्रेष्ठं न्ह्याकादीगु उगु ज्याझ्वलय् पाहां कथं पुलाम्ह नायः गणेश राम लाछि झायादीगु खः ।
ज्याझ्वलय् नीच्याम्ह मुनाः न्ह्याकूगु थुगु संस्था स्वदँया दुने थ्यंमथ्यं सच्छि व चयःप्यम्ह थ्यंगु दुसा याकनं हे स्वसः थ्यंकेगु ग्वसाः दुगु खँ कनादिसें द्वःछि दयेकेगु थःपिनिगु तातुना कथं पूवन धाःसा थःपिसंहे प्रकाशक जुयाः ज्यासना वनेगु नायः श्रेष्ठं कनादिल ।
बुखँ – नेवाः सूचाना केन्द्र किपा – राजेन्द्र रञ्जित
