२०८० चैत्र ६, मंगलबार

समयबजिया ६००ब्व हन

लहनान्यूज | थिंलागा एकादशि ११३७ (डिसेम्बर २४ २०१६)

इमेज च्यानलया लोकंव्हाःगु नेपालभाषाया ज्याझ्वः समयबजिया ६००ब्वया लसता ज्याझ्वः थौं येँय् क्वचाःगु दु ।
 
ज्याझ्वलय् नेपालभाषाया संगीत ख्यलय् ताः ई न्ह्यवनिसें मदिक्क योगदान बिया वयाच्वनादीगुलिं संगीतकःमि भाजु अमरराज शर्मा राजोपाध्याययात हंगु खः । उगु हे ज्याझ्वलय् न्हापांगु मिसा राष्ट्रिय शारीरिक सुगठन कासाया त्याकामिलिसें विश्व मिसा शारीरिक सुगठन कासाय् लियांल्यू लायेत ताःलाःम्ह ननिता महर्जनयात नं हंगु खः ।
 
सम्मानित निम्हेसितं इमेज ग्रुप अफ कम्पनीजया नायः आर.के.मानन्धरं दोसल्लां न्ययेकाः हनापौ लःल्हानादिलसा कम्पनीया ल्यू नायः मोहनचन्द्र सिंहं मतिनाया चिं लःल्हानादिल ।
 
समयबजि ज्याझ्वलय् ग्वाहालि याना वयाच्वंपिं कलाकारपिन्त नं ज्याझ्वलय् खादां न्ययेकाः हंगु खः । कलाकारपिन्त कम्पनीया नायः आर.के.मानन्धरं खादां न्ययेकेगुलिसें मतिनाया चिं नं लःल्हानादिल ।
 
ज्याझ्वलय् थीथी कलाकार व म्येहालामिपिन्सं थःथःगु न्ह्यब्वया नं न्ह्यब्वःगु खः । ज्याझ्वलय् अमरराज राजोपाध्याय, भुपेन्द्र बज्राचार्य, अन्जन श्रेष्ठलिसें नं म्ये हाःगु खःसा थीथी कलाकारपिन्सं हुलाप्याखं नं न्ह्यब्वःगु खः ।
Categorized in मनोरन्जन