समाजसेवी प्रेमदास ताम्रकारया लुमन्ती बिचाः मुँज्या
येँ १७ वडाय् च्वंम्ह मदुम्ह समाजसेवी प्रेमदास ताम्रकारया लुमन्ती छगु बिचाः मुँज्या जूगु दु ।
 
उगु बिचाः मुँज्याय् येँ महानगरपालिका १७ वडाया अधक्ष्य नबिन मानन्धरं मदुम्ह ताम्रकार यानादिगु समाजसेवाया कदर याये माःगु बिचाः तयादिसे वयकःया लुमन्ती प्रेमदास फाउण्डेसन दयेके माःगु धका धयादिगु खः ।
 
वडा अधक्ष्य मानन्धरं थःगु ब्यक्तिगतपाखे उगुु फाउण्डेसनया लागि छगु लाख ध्यवा अक्ष्यकोषया घोषण याना दिगु खः ।
 
प्रेमदास फाउण्डेसनं १७ वडाया दुने असाहय, वुराबुरी नाप बिद्यार्थीपिनिगु लागि ज्या यायेगु धका धयादिगु खः ।
 
समाजसेवी ताम्रकारं ०४९ सालया स्थानिय निर्वाचनय् १७ वडाय् मनोनित सदस्य जुयादिगु खः । वयकःया लुमन्ति १७ वडाय् खालि जग्गाय् रुदाक्ष सिमा न पिइगु ज्या जुगु खः ।
 
गणेश साय्मि न्ह्याकादिगु उगु बिचा मुँज्याय् १७ वडाया अधक्ष्य नबिन मानन्धर नाप छत्रपाटि निःशुल्क चिकित्सालयया अधक्ष्य डा.मनोजमान श्रेष्ठ, पूर्ण शाक्य, गोपाल माली, कुमारदेव मानन्धर, श्याम मानन्धर नाप मदुम्ह ताम्रकारया काय् फिरोज ताम्रकारपिन्स थःथःगु खँ तयादिगु खः ।