२०८० चैत्र १६, शुक्रबार

सरकारं राहत प्याकेज घोषणायात

लहनान्युज | चौलाथ्व पंचमी ११४०, चैत्र १६ गते

सरकारं कोरोना भाइरस (कोभिड–१९) पाखे प्रभावित जुपिन्त राहत प्याकेज घोषणा याउगु दु ।
 
मन्त्रिपरिषदया थौं आइतवाः च्वंगु बैठकं १५० युनिट तक विद्युत उपभोग याइपि ग्राहकपिन्त फागुन व चैतया विद्युत महसुलय् २५ प्रतिशत छुट बिइगु निर्णय याउगु दु ।
 
थहे, खाद्य संस्थान मिइगु दाल जाकि लगायतया खाद्य वस्तुइ १० प्रतिशत छुट बिइगु निर्णय याउगु दु ।
 
उकिइ मासिक १५० युनिट तक विद्युत उपभोग याइपि ग्राहक तयेत विद्युत महसुलय् २५ प्रतिशत छुट दइ ।
 
विद्युत, खानेपानी, टेलिफोन शुल्कय् फागुन व चैत महिनाया महसुल वैशाख मसान्तय् बुझे यासा जरिवाना मकाइगु राहत प्याकेजय् दु ।
 
अथहे, खाद्य व्यवस्था तथा व्यापार कम्पनी व साल्ट ट्रेडिङ जाकि, छुचू, दाल, चिकं, चीनी लगायतय् १० प्रतिशत छुट बिइगु ब्यवस्था याउगु दु ।
 
 
 
Categorized in राष्ट्रिय